मेस्सी बिना लिगको पहिलो खेल खेल्दै बार्सिलोना !

एजेन्सी – स्पेनिस ला लिगाको नयाँ सिजन आजबाट सुरु हुँदैछ । सिजनको पहिलो खेलमा डिफेन्डिङ च्याम्पियन क्याटलान बार्सिलोनाले एथ्लेटिक बिल्वाओसँग खेल्दै ला लिगाको शुरुवात गर्नेछ ।

खेल बिल्वाओको घरेलु मैदानमा नेपाली समयअनुसार १२ः४५ बजेपछि शुरु हुनेछ । बिल्वाओ घरेलु मैदानमा बार्सिलोनालाई पराजित गर्दै ला लिगामा सुखद सुरुवातको लक्ष्यमा मैदान उत्रनेछ ।

यो सिजन कुनै खेलाडी अनुबन्ध नगरेको बिल्वाओले आफ्नै एकेडेमीका खेलाडीलाई प्राथमिकतामा राखेको छ । राउल गार्सिया र इनाकी विलियम्स बिल्वाओको हतियार बन्नेछन् । इनाकीले बार्सिलोनाविरुद्ध पछिल्ला १२ खेलमा ३ गोल गरेका छन् । तर, बिल्वाओ बार्सिलोनाविरुद्ध पछिल्ला ११ खेलमा जितविहीन छ । २ बराबरीमात्रै गर्न सकेको बिल्वाओले ९ खेलमा हार भोगेको छ ।

यता, आफ्ना नियमित कप्तान मेस्सीविनै मैदान उत्रने बार्सिलोनाका लागि नयाँ खेलाडी एन्टोइन ग्रिजमन र लुइस सुआरेज मुख्य हतियार हुनेछ । उनीहरुलाई फ्रान्क कि डि जोङ र इभान राकिटिकजस्ता विश्स्तरीय खेलाडीले साथ दिनेछन् । बार्सिलोना २००८ मा नुमान्सियासँग १–० ले पराजित भएयता पछिल्लो १० सिजन ला लिगाको पहिलो खेलमा पराजित भएको छैन ।

प्रकाशित : शुक्रबार, साउन ३१, २०७६१७:२२

मैदान प्रवेश गर्ने बितिकै अडुरिजले बाइसाइकल किकमा गोल गरे, बार्सिलोना पराजित [भिडियो]