नेयमारलाई पिएसजी टोलीबाट हटाइएको हल्ला ! के हो सत्यता ?

एजेन्सी – पेरिस सेन्ट जर्मेन (पिएसजी) ले आफ्ना स्टार खेलाडी नेयमारलाई टोलीबाट हटाइसकेको हल्लालाई अस्वीकार गरेको छ । पिएसजीका स्पोर्टिङ डाइरेक्टर लियोनाद्रोले नेयमार खेल्न तयार हुनुअघि सबै टुंगिने बताएका छन् ।

पछिल्लो केहि समययता नेयमारले पिएसजी छाड्न चाहेको र केहि क्लबले प्रस्ताव पनि राखिएका छन् । हालै मात्र बार्सिलोना र रियल म्याड्रिड दुवैको प्रस्तावलाई पिएसजीले अस्वीकार गरेको थियो । नेयमारले पिएसजी छाड्न चाहेको भन्ने प्रष्ट रहेको र उनले स्पेन फर्कनका लागि हर सम्भव प्रयास गरेको पनि लियोनार्दोले बताएका छन् ।

हालै मात्र एक रिर्पोटमा उनको व्यहारका कारण टोलीले उनलाई पहिलो रोजाईको टोलीबाट हटाएको र रिजर्भ टोलीसँग अभ्यास गर्न लगाएको उल्लेख गरिएको थियो । तर, त्यो भनाईलाई स्पोर्टिङ निर्देशकले अस्वीकार गरेका छन् ।

‘त्यसमा कुनै सत्यता छैन । टोली समूहबाट अलग पारिएका छैनन् । उनलाई व्यक्तिगत रुपमा पुर्नस्थापना कार्यक्रममा राखिएको हो । उनी पिएसजीका खेलाडी हुन्,’ लियोनार्दोले भने, ‘हामीबीच अझै तीन वर्षको सम्झौता छ । हामीले त्यसलाई बिर्सन हुँदैन । हामीले सबै विषयको विश्लेषण गर्नुपर्छ । उनी खेल्न सक्नुअघि नै हामीले सबै विषय टुंगाउनुपर्दछ ।’

‘विषयहरु सामान्य रहेको लियोनार्दोले प्रष्ट पारेका छन् । सिजनको सरुवातबाट नेयमारलाई उत्कृष्ट डक्टर र सर्जनहरुले हेरिरहेका छन् ‘, उनले भने, ‘अब उनी पूर्ण रुपमा चोटमुक्त भएका छन् ।’ सेप्टेम्बर २ सम्म ट्रान्फर विन्डो खुला रहेकोले अझै पनि नेयमार बेचिने सम्भावना छ । तर, अहिले सम्म पनि कुनै औपचारिक सहमति भने नभएको लियोनार्दोले प्रष्ट पारेका छन् ।

प्रकाशित : शुक्रबार, साउन ३१, २०७६१६:२०

मेस्सी बिना लिगको पहिलो खेल खेल्दै बार्सिलोना !